ಯಾವ ಚಿಪ್ಪಿನಲ್ಲಿ ಯಾವ ಹನಿಯು ಮುತ್ತಾಗುವುದೋ.......

ಈ ಸಾಲನ್ನು ನೋಡಿದಾಗ ಒಮ್ಮೆ ಮನಸಿನಲ್ಲಿ ವಿದ್ಯುತ್ ಸಂಚಾರವಾದಂತೆ ಅನಿಸಬಹುದು. ಆದರೆ ಎದು ಅದಲ್ಲ. ನಮ್ಮ ಭವಿಷ್ಯದ ಕುರಿತು ಒಂದು ಚಿಕ್ಕ ನೋಟ.

 ನಾವು ದಿನಾ ಬೆಳೆಗ್ಗೆ ಕಾಲೇಜಿಗೆ  ಬರ್ತಿವಿ , ಸಂಜೆ ಮನೆಗ ಹೋಗ್ತಿವಿ , ಆದರೆ ಬರೋವಾಗಾ ,ಬಂದಾಗ ,ಹೋಗುವಾಗ ಏನ್ ಮಾಡ್ತಿವಿ ಯಾಕ್ ಮಾಡ್ತಿವಿ ಅನ್ನೋದು ಗೊತ್ತೆ ಎರಲ್ಲ. ಯಾರನ್ನೋ ಮೆಚ್ಸೋಕೆ ,ಯಾರನ್ನೋ ಖುಶಿ ಪಡ್ಸೋಕೆ ,ಯಾರ ಮುಂದೋ ಹೀರೋ ಆಗೋಕೆ ಪ್ರಯತ್ನ ಪಡ್ತಿವಿ ಅದೆಲ್ಲಾ ಬೇಕಾ?

 ನಮ್ಮ ಕಡೆ ಕಣ್ಣೆತ್ತಿಯೂ ನೋಡದ ಈ ‘ಯಾರೋ’ಗಳ ಬಗ್ಗೆ ಇಷ್ಟೆಲ್ಲ ಆಸಕ್ತಿ ವಹಿಸೋ ನಾವು ದಿನದಲ್ಲಿ ಒಮ್ಮೆ ಯಾದರೂ ಏನ್ ಮಾಡಿದ್ರೂ ಕ್ಷಮಿಸೋ ,ನಮಗೆ ಇಲ್ಲದಿದ್ರೂ ಪರವಾಗಿಲ್ಲ ನನ್ನ ಮಗನಿಗೆ/ಮಗ?ಳಿಗೆ ಅಂತ ಕನಸುಗಳನ್ನು ಕಟ್ಕೊಂಡಿರೋ ಅಪ್ಪ-ಅಮ್ಮನ ಜ್ಞಾಪಿಸ್ಕೋತಿವಾ?

ವಿಷಯ ದಾರಿತಪ್ತಾ ಇದೆ ಅಂತ ಅನ್ನಿಸ್ತಿದೆ ಅಲ್ವಾ? ಹಾಗಾದ್ರೆ ನೇರವಾಗಿ ವಿಷಯಕ್ಕೆ ಬರೋಣ.

ನಾವು ಈಗ ಸ್ನಾತಕೋತ್ತರ ವಿದ್ಯಾಥಿ೯ಗಳು ಮುಂದೆ ಜೀವನವನ್ನು ಎದುರಿಸುವ ದಾರಿಯಲ್ಲಿದ್ದೆವೆ.ನಮಗೆ ಅನೇಕೆ ಕಡೆಗಳಿಂದ , ಅನೇಕ ವಿಧಗಳಿಂದ ಅಗಾಧವಾದ ಪೈಪೋಟಿ ಇದೆ. ಇಂದು ೯೫% ಕ್ಕೂ ಹೆಚ್ಚು ಅಂಕಗಳಿಸಿದರು ಲಂಚನೀಡುವುದು ಇನ್ ಫ್ಲೂಯನ್ಸ್ ಮಾಡುವುದು ಸಾಮಾನ್ಯವಾಗಿದೆ. ಅದೇ ಬೇಸರದಲ್ಲಿ ಬಿಸಿ ರಕ್ತದ ಯುವಕರು ನಕ್ಸಲೈಟ್ಗಳೊ , ಭಯೀತ್ಪಾದಕರೋ ಆಗದಿದ್ದರೆ ಅದು ನಮ್ಮ ಪುಣ್ಯ.

‘ಧಾನೇ ಧಾನೇಪೆ ಲಿಖಾ ಹೈ ಖಾನೆ ವಾಲೆಕಾ ನಾಮ್, ಗೋಲಿ,ಗೋಲಿಪೆ ಲಿಖಾ ಹೈ ಮರನೆ ವಾಲೆಕಾ ನಾಮ್’ ಅನ್ನೋ ಮಾತು ಸತ್ಯ. ಆ ದೇವರು ಯಾರ ,ಯಾರ ಜೀವನಾನಾ ಎಲ್ಲೆಲ್ಲಿ,ಹೇಗ್ ಹೆಗೆ ಬರೆದಿಟ್ಟಿದ್ದಾನೋ ಗೊತ್ತಿಲ್ಲ. ಆದರೆ ಒಂದು ಮಾತಂತು ನಿಜ ‘ಒಂದೇ ಹನಿಯು ಎಲ್ಲ ಚಿಪ್ಪುಗಳಲ್ಲಿ ಮುತ್ತಾಗುವುದೊ,ಎಲ್ಲ ಹನಿಗಳು ಒಂದೇ ಚಿಪ್ಪಿನಲ್ಲಿ ಮುತ್ತಾಗುವುದು ಅಸಾಧ್ಯವಾಗಿದೆ.

ಯಾವುದೋ ಮೋಡ ಎಲ್ಲಿಂದಲೋ ಬ್ಂದು ಮಳೆ ಸುರಿದು , ಎಲ್ಲಿಯೋ ಇರುವ ಚಿಪ್ಪಿನಲ್ಲಿ ಮುತ್ತಾಗುವುದು ಎಂತಹ ವಿಪಯಾ೯ಸ . ಅದೇ ರೀತಿಯಾವುದೋ ತಾಯಿಯ ಬಸಿರಲ್ಲಿ ಹುಟ್ಟಿ ಎಲ್ಲಿಯೋ ಬೆಳೆದು , ಎಲ್ಲಿಯೀ ಜೀವನ ಸಾಗಿಸುವ ಮಕ್ಕಳನ್ನು ತಂದೆ - ತಾಯಿ ವಷ೯ಕ್ಕೆ ಒಮ್ಮೆಯೂ ನೋಡಲು ಸಾದ್ಯವಾಗದ ಕಾಲ ಇದಾಗಿದೆ. ನಾವು ಎಲ್ಲಿಯೋ ಹಿಟ್ಟಿ ,ಎಲ್ಲಿಯೋ ಬೆಳೆದು ಇಲ್ಲಿ ಬಂದು ಸೇರಿದ್ದೆವೆ. ನಮಗಾಗಿ ಯಾವ ಸ್ನೇಹ , ಯಾವ ಪ್ರೀತಿ , ಯಾವ ಉದ್ಯೋಗ ಕಾದಿದೆಯೋ ಕಾದು ನೋಡ ಬೇಕಿದೆ. ಯುದ್ಧಕ್ಕೆ ಸಾವಿರ ಸೈನಿಕರು ನುಗ್ಗಿದರೆ ವಿಜಯ ಪತಾಕೆ ಹಾರಿಸುವವ ಒಬ್ಬ ಸೈನಿಕ ಮಾತ್ರಾ . ಅವನ ಸಹೋದ್ಯೋಗಿಗಳು ಒಬ್ಬೊಬ್ಬರು ಒಂದೊಂದು ಮೆಟ್ಟಿಲುಗಳಾಗಿ ಸಹಕರಿಸುತ್ತಾರೆ.

ಎಲ್ಲರು ತಮ್ಮ,ತಮ್ಮ ಗುರಿಯನ್ನು ನಿದಿ೯ಷ್ಟ ಪಡಿಸಿಕೋಂಡಿರಬಹುದು. ಆದರೆ ಆ ಗುರಿ ಎಷ್ಟು ಸೂಕ್ತ? ನಮ್ಮಿಂದ ಅದನ್ನು ತಲುಪಲು ಎಷ್ಟು ಸಾದ್ಯ ,ಆ ನಿಟ್ಟಿನಲ್ಲಿ ನಮ್ಮ ಪುಟ್ಟ ಹೆಜ್ಜೆಗಳನ್ನು ಎಷ್ಟು ಬಲವಾಗಿ ಇಟ್ಟಿದ್ದೇವೆ ಎಂಬುದನ್ನೊಮ್ಮೆ ಯೋಚಿಸಿ ನೋಡಿ . ಯಾರ ಜೀವನ ಎಲ್ಲಿದೆ,ಹೇಗಿದೆ ಅನ್ನೋದು ಅವರ ಕೈಯಲ್ಲೇ ಇದೆ. ಜೀವನದಲ್ಲಿ ಮುನ್ನುಗ್ಗುವುದನ್ನು ಚೆನ್ನಾಗಿ ತಿಳಿದಿರಬೇಕು. ಯಾರನನ್ನೂ ಅವಕಾಶಗಳು ಹುಡುಕಿಕೊಂಡು ಬರೋದಿಲ್ಲ, ನಾವೇ ಹುಡುಕಬೇಕು. ಇಲ್ಲವೇ ಸೃಷ್ಟಿಸಬೇಕು. ಎಲ್ಲರೂ ಬೇರೆಯವರನ್ನು ತುಳಿದು ಮೇಲೇರುವ ಪ್ರಯತ್ನ ಪಡ್ತಾರೆ ಆದರೆ ನಾವು ಆ ತಪ್ಪನ್ನು ಮಾಡ್ದೆ ನಮ್ಮ ಗುರಿ ಸಾಧಿಸಬೇಕು.